Verið velkomin á eins-dags námskeið þar sem við lærum Access Bars orkumeðferðina, eða að 'renna bars' eins og það er oft kallað, fyrir aukið frelsi, slökun, gleði og aukna vitund!

Access Bars® er blíð orkumeðferð sem slakar á huganum og gefur móttakanda möguleika á að lyfta meðvitund yfir á hærra plan. Bars eru 32 punktar/barir á höfðinu og þegar þessir punktar eru snertir blítt fer í gang afhleðsla á öllu því sem hindrar þig í að taka á móti. Hver bar/punktur samanstendur af hleðslu af orku, hugsunum og tilfinningum fyrir ákveðið lífsþema og eiga þeir allir sitt eigið nafn. Sem dæmi er t.d. bar fyrir gleði, depurð, heilun, sköpun og meðvitund. Allar þær stöðluðu hugsanir og hugmyndir sem við höfum orkulega tengt þessum efnum og eru jafnvel að stjórna lífi okkar í dag, getum við náð að afstilla tíðnina á. Eins og að smella á “delete” takkann í tölvunni! Orka er sett í gang til að ryðja út stíflum og ójafnvægi í orkusviði þiggjanda. Reyndar virkar meðferðin á gefanda í leiðinni, þannig báðir njóta góðs af.

Með Access Bars® tækninni hafa hundruðir þúsunda manna um heim allan náð auknu frelsi. Þunglyndi, kvíði, peningaáhyggjur, fíkn og erfið sambönd eru meðal annars svið sem fólk hefur náð að vinna sig í gegn um á undraverðan hátt, með tilstylli Access Bars. Það sem þessi meðferð gefur okkur er gríðarlegt rými í okkar tilveru og aukin meðvitund, og kennir okkur og líkamanum okkar að taka á móti.

Námskeiðið er einn heill dagur og á námskeiðinu gefur þú Access Bars tvisvar, og þiggur tvisvar. Við kynnumst einnig verkfærum til að nýta okkur dagsdaglega og fyrir aukna meðvitund og meiri léttleika og gleði í lífið okkar. Hver og einn fær handbók á ensku með allskyns verkfærum og útskýringum til að styðjast við þegar kemur að meðferðinni.

Fyrir neðan er gengið frá greiðslu ef borgað er með korti. Athugið að greiðslan er í erlendu gengi (EUR) svo að lokagreiðslan verður u.þ.b. 47.000 kr.

Um leið og búið er að borga, þá ertu skráð/ur á námskeiðið.

Greiðsluupplýsingar